चिकित्सा शिक्षा आयोगले थप्यो चिकित्सा शिक्षा एकीकृत प्रवेश परीक्षाको आवेदन म्याद

प्राविधिक शिक्षा

गृहपृष्ठ
प्राविधिक शिक्षा

चिकित्सा शिक्षा आयोगले थप्यो चिकित्सा शिक्षा एकीकृत प्रवेश परीक्षाको आवेदन म्याद

ईडीयू सवाल सोमबार, भदौ १५, २०८३

काठमाडौँ- चिकित्सा शिक्षा आयोगले स्नातक तहका विभिन्न चिकित्सा शिक्षा कार्यक्रमका लागि लिइने एकीकृत प्रवेश परीक्षा (MECEE-BL 2027) को अनलाइन आवेदन फाराम भर्ने म्याद थप गरेको छ।

आयोगको परीक्षा निर्देशनालयले भदौ १५ गते जारी गरेको सूचनाअनुसार यसअघि २०८३ भदौ १५ गते साँझ ५ बजेसम्मका लागि तोकिएको आवेदन अवधि भोटेकोशी बाढीका कारण उत्पन्न परिस्थितिलाई मध्यनजर गर्दै थप गरिएको हो।

नयाँ व्यवस्था अनुसार इच्छुक तथा योग्य उम्मेदवारले २०८३ भदौ २३ गते साँझ ५ बजेसम्म अनलाइन आवेदन दिन सक्नेछन्। आवेदन शुल्क बैंक दाखिला गर्न नसकेका उम्मेदवारले पनि सोही म्यादभित्र शुल्क दाखिला गरी आवेदन प्रक्रिया पूरा गर्न सक्ने आयोगले जनाएको छ।

त्यसैगरी भदौ २५ गते साँझ ५ बजेसम्म दोब्बर दस्तुर तिरी आवेदन दिन सकिने व्यवस्था गरिएको छ।

MECEE-BL 2027 अन्तर्गत चिकित्सा शिक्षा स्नातक तहका विभिन्न शैक्षिक कार्यक्रममा विद्यार्थी छनोटका लागि एकीकृत प्रवेश परीक्षा सञ्चालन गरिनेछ। परीक्षाको मिति र समय भने पछि प्रकाशन गरिने आयोगले जनाएको छ।

आयोगले योग्य उम्मेदवारलाई थपिएको समयभित्रै आवेदन प्रक्रिया पूरा गर्न आग्रह गरेको छ।