डेनमार्कमा अब विद्यार्थीले पढाइसँगै काम गर्न नपाउने

विदेश अध्ययन

गृहपृष्ठ
विदेश अध्ययन

डेनमार्कमा अब विद्यार्थीले पढाइसँगै काम गर्न नपाउने

ईडीयू सवाल आइतबार, वैशाख २१, २०८२

काठमाडौँ- डेनमार्कमा अब विद्यार्थीले पढाइसँगै काम गर्न नपाउने भएका छन्। आइतबार डेनमार्कका आप्रवासनमन्त्री कारे डिब्वाड बेकले आप्रवासन सम्बन्धी नयाँ नियमको घोषणा गर्दै विद्यार्थीले काम गर्न र 'डिपेन्डेन्ट'मा लैजान नपाउने जस्ता व्यवस्था रहेको उल्लेख गरेका छन्।

यस व्यवस्थासँगै नेपाली विद्यार्थी प्रत्यक्ष प्रभावित हुने भएका छन। नेपाली विद्यार्थीका सम्बन्धमा डेनिस प्रहरी र सरकारी निकायमा रहेको रेकर्ड सकारात्मक छैन। डेनिस ट्रेड युनियन फ्यागब्लडेट थ्रिएफले निल्सब्रोक कोपेनहेगन बिजनेस कलेजमा नेपाली विद्यार्थी कसरी ह्वात्तै बढेका छन् भन्ने बारेमा कभरेज गरेपछि उनीहरू अनुसन्धानको घेरामा परेका थिए।

फ्यागब्लडेटले निल्सब्रोकका अन्तर्राष्ट्रिय विद्यार्थीहरू, मुख्यतया नेपाल र बंगलादेशबाट आउने र उनीहरूले होटल तथा रेस्टुराँहरूमा सरसफाइ जस्ता क्षेत्रमा जागिर गर्ने लगायतका विषयमा उजागर गरेको थियो । यस्ता क्षेत्रमा काम गर्ने नेपालीहरू डेनिससँग प्रतिस्पर्धा गर्ने र कम ज्यालामै काम गरिदिने प्रवृत्ति उजागर गरिएको थियो।

यसले नेपालीहरू प्रहरीको सुक्ष्म अनुसन्धानमा परेको त्यहाँ रहेका नेपालीहरुले उल्लेख गरेका छन्। परिवर्तित नियम गैरसरकारी तवरबाट अनुमोदित कलेजका विद्यार्थीमा लागू हुनेछ। आवास अनुमतिका लागि २ मे २०२५ भन्दा पहिले नै आवेदन दिएका विद्यार्थीको हकमा भने यो नियम लागू हुने छैन।

प्रकाशित मिति: आइतबार, वैशाख २१, २०८२ १७:०९