पाकिस्तानमा सुरक्षा कारबाही : पाँच लडाकु मारिए, २३ सर्वसाधारणको उद्धार

समाचार

गृहपृष्ठ
समाचार

पाकिस्तानमा सुरक्षा कारबाही : पाँच लडाकु मारिए, २३ सर्वसाधारणको उद्धार

ईडीयू सवाल आइतबार, असोज ४, २०८३

काठमाडौँ- पाकिस्तानको दक्षिण–पश्चिमी बलुचिस्तान प्रान्तमा सुरक्षा फौजले गरेको कारबाहीमा पाँचजना लडाकु मारिएका छन्। कारबाहीका क्रममा अपहरणमा परेका २३ जना सर्वसाधारणलाई पनि सकुशल उद्धार गरिएको पाकिस्तानी सेनाले जनाएको छ।

पाकिस्तानी सेनाको सञ्चार शाखा ‘इन्टर–सर्भिसेज पब्लिक रिलेसन्स’ (आईएसपीआर) का अनुसार लडाकुहरूले यात्रुहरूलाई अपहरण गर्ने, फिरौती माग्ने र सवारीसाधन नियन्त्रणमा लिने प्रयास गरेका थिए।

सेनाका अनुसार शुक्रबार राति कालाल नजिकै एन–२५ राजमार्गमा लडाकुहरूले अवैध जाँचचौकी बनाउन खोजेका थिए। त्यसपछि सुरक्षा फौजले तत्काल कारबाही सुरु गरेको थियो।

सुरक्षा फौज र लडाकुबीच भएको भिडन्तमा पाँचजना लडाकु मारिएको सेनाले जनाएको छ।

त्यसपछि सुरक्षा फौजले लडाकुहरू लुकेको स्थानमा छापा मारेर अपहरणमा परेका २३ जना सर्वसाधारणलाई उद्धार गरेको थियो। उद्धार गरिएका व्यक्तिहरूलाई सुरक्षित स्थानमा लगिएको सेनाले जनाएको छ।

कारबाहीका क्रममा लडाकुहरूले नियन्त्रणमा लिएका ६ वटा ट्रक, ३ वटा बस र २ वटा कार पनि बरामद गरिएको छ।

सेनाका अनुसार घटनास्थलबाट ठूलो परिमाणमा हतियार, गोलीगठ्ठा र विस्फोटक पदार्थसमेत बरामद भएको छ।

प्रकाशित मिति: आइतबार, असोज ४, २०८३ १५:०१