शिक्षामन्त्री पुनका यी तीन निर्णय जसले शिक्षा क्षेत्र नै तरङ्गित बनायाे (भिडियाेसहित)

भिडियो

गृहपृष्ठ
भिडियो

शिक्षामन्त्री पुनका यी तीन निर्णय जसले शिक्षा क्षेत्र नै तरङ्गित बनायाे (भिडियाेसहित) राज्यलाई बोझ पर्ने गरी स्वकीय सचिव नराख्न शिक्षामन्त्री पुनको निर्देशन

ईडीयू सवाल बुधबार, असोज ८, २०८२

काठमाडाैँ - यतिवेला शिक्षा विज्ञान तथा प्रविधि मन्त्री डा. महाविर पुन मन्त्रालयमा विषय विज्ञहरूसहितको टिम बनाउन व्यस्त छन्। उनले फेसबुकमा आफू टिम बनाउन व्यवस्त रहेको भन्दै लेखेका छन्, ‘अस्तीदेखि मोबाइलमा, मेसेन्जरमा र ह्वाट्सअपमा हजारौँ कल र मेसेज आइरहेका छन्। म मन्त्रालयमा एउटा गतिलो र सिर्जनशील टीम बनाउन व्यस्त छु। त्यसैले केही दिनको लागि अनावश्यक फोन नगर्न र मेसेज नपठाउनु होला।’

विश्वविद्यलायले तीन महिना भित्र नतिजा ननिकाले अनुदान रोक्ने

सामुदायिक विद्यालयमा कम्प्युटर शिक्षकको दरबन्दी अनिवार्य गर्नुपर्ने

राज्यलाई बोझ पर्ने गरी स्वकीय सचिव नराख्ने

विशम परिस्थितिमा जेनजी आन्दोलन पश्चात बनेको नयाँ सरकारमा शिक्षा विज्ञान तथा प्रविधि मन्त्रीको जिम्मेवारी सम्हालेका पुनले शैक्षिक सुधारमा आशाको किरण छर्ने काम गर्ने सुरुवाती केही निर्णयबाटै देखिएको छ। मन्त्री भएपछि हुने सानसौगतलाई किनारमा राखेर मन्त्रालयमै डेरा जमाएर काम गर्ने अठोट गरेका मन्त्री पुनले विश्वविद्यायले तीन महिना भित्र परीक्षाको नतिजा ननिकाले अनुदान रोक्ने चेतावनी दिनुका साथै सामुदायिक विद्यालयमा कम्प्युटर शिक्षकको दरबन्दी अनिवार्य गर्न शिक्षक सेवा आयोगलाई दरबन्दी थप गर्न निर्देशन दिएका छन्।

शिक्षामन्त्री महावीर पुनले मन्त्रालयमै ओछ्यान लगाएर सुत्छु भनेको दोस्रो दिन उनको लागि कोठा र किचनको बन्दोबस्त मिलाइएको थियाे। उनले मन्त्री क्यावटर नचाहिने केशरमहलस्थित शिक्षा मन्त्रालयकै भवनमा सुत्ने कोठा र किचनको बन्दोबस्त मिलाउन दिएको निर्देशन अनुसार मन्त्रालयले मंगलबार मन्त्री पुनका लागि किचनका समान र बेडको व्यवस्थापन गरेको थियो। उनले राष्ट्रिय आविस्कार केन्द्रबाट एउटा सुटकेसमा आफ्ना सामान ल्याएका थिए।

सरकार नागरिकका मुद्धाप्रति सजग हुनुपर्ने बताउँदै उनले सामुदायिक शिक्षाको गुणस्तर सुधार गर्न राज्य जिम्मेवार हुने र विद्यालयमा विषय विज्ञ शिक्षकहरूलाई आकर्षण गर्ने वातावरण बनाउने तर्फ जोड दिएका छन्। उनले अत्यावश्यक काममा जाँदा बाहेक अरु समयमा सरकारी सवारी साधन पनि प्रयोग नगर्ने बताएका छन्।

उनले त्रिभुवन विश्वविद्यालय किर्तिपुरको हाता भित्रका रुख नकाटी झाडी फाँडेर सुन्दर बगैंचा सहितको आकर्षक फुटपाथ बनाउन पनि निर्देशन दिएका छन्। समग्र शिक्षा सुधार गर्न विज्ञसहितको टिम बनाएर दिनरात काम गर्ने प्रतिविद्धता जनाएका पुनको सुरुवाति कामबाटै जनतामा आशाको सञ्चार भएको छ। यसलाई कायम राख्दै शिक्षाका मुलभूत विषयसँग जोडिएर अघि बढ्ने चुनौती भने उनी सामु छ।

प्रकाशित मिति: बुधबार, असोज ८, २०८२ १५:५०