पोखरा महानगरका सामुदायिक विद्यालयहरुमा नीतिगत र व्यावहारिक सुधारले विद्यार्थीकाे आकर्षण बढ्याे

विद्यालय

गृहपृष्ठ
विद्यालय

पोखरा महानगरका सामुदायिक विद्यालयहरुमा नीतिगत र व्यावहारिक सुधारले विद्यार्थीकाे आकर्षण बढ्याे महानगरले शिक्षा क्षेत्रको सुधारका लागि लिएका नीतिगत र व्यावहारिक कदमहरूले सार्थकता पाउन थालेपछि सरकारी विद्यालयमा विद्यार्थी र अभिभावकको आकर्षण ह्वात्तै बढेको हो।

ईडीयू सवाल सोमबार, चैत ९, २०८२

पोखरा- पोखरा महानगरपालिकाभित्रका सामुदायिक विद्यालयहरूको अवस्था पछिल्लो समय उत्साहजनक रूपमा बदलिएको छ। महानगरले शिक्षा क्षेत्रको सुधारका लागि लिएका नीतिगत र व्यावहारिक कदमहरूले सार्थकता पाउन थालेपछि सरकारी विद्यालयमा विद्यार्थी र अभिभावकको आकर्षण ह्वात्तै बढेको हो।

मेयर धनराज आचार्यले आफुले महानगरको नेतृत्व सम्हालेयता सामुदायिक विद्यालयहरूमा ८ हजारभन्दा बढी विद्यार्थी थपिएको बताउँछन्। कुनै समय विद्यार्थी अभाव झेल्ने गरेका सरकारी विद्यालयहरूमा अहिले भर्ना पाउनै मुस्किल पर्ने स्थिति सिर्जना भएको अविभावकहरुको धारणा छ।

महानगरभित्रका कतिपय विद्यालयमा अहिले २ हजारभन्दा बढी विद्यार्थी अध्ययनरत छन्। जसले निजी विद्यालयसँगको प्रतिस्पर्धामा सामुदायिक विद्यालयहरू बलियो हुँदै गएको संकेत गर्छ। शिक्षाको गुणस्तर सुधार्न महानगरले ५५ वटा विभिन्न बुँदामा आधारित सुधारका योजनाहरू कार्यान्वयनमा ल्याएको छ।

यी प्रयासहरूले विद्यालयको भौतिक पूर्वाधार मात्र नभई शिक्षक र व्यवस्थापन पक्षमा समेत नयाँ आत्मविश्वास जगाएको मेयर आचार्यको दाबी छ। शिक्षामा मात्र नभइ विकास बजेटको खर्च गर्ने प्रणालीमा पनि महानगरले ठूलो परिवर्तन ल्याएको छ। मेयर आचार्यले विकासको बजेटलाई तल्लो तहसम्म पुर्याउन बजेटको व्यापक विकेन्द्रीकरण गरेको बताए

प्रकाशित मिति: सोमबार, चैत ९, २०८२ १२:१६