दाैडधुपमा ईसीडी शिक्षक : संघीय शिक्षा ऐनमा प्राथमिक तृतीय सरह दरबन्दी कायम गर्न माग

शिक्षक

गृहपृष्ठ
शिक्षक

ईसीडी शिक्षक संगठनकाे माग दाैडधुपमा ईसीडी शिक्षक : संघीय शिक्षा ऐनमा प्राथमिक तृतीय सरह दरबन्दी कायम गर्न माग प्राथमिक तहका शिक्षक सरह सेवा सुविधा बढाउन आग्रह

ईडीयू सवाल बुधबार, साउन २४, २०८०

काठमाडौँ- सामुदायिक विद्यालमा अध्यापनरत प्रारम्भिक बालविकास (ईसीडी) शिक्षकले संघीय शिक्षा विधेयक संशोधन गरेर तलब बढाउन आग्रह गरेका छन्। ईसीडी शिक्षकले आफूहरूलाई प्राथमिक तहकाे शिक्षक सरह सेवा बढाउन अनुरोध गरेका हुन्।

प्रारम्भिक बालविकास कक्षालाई ० देखि १२ कक्षाभित्र समावेश गर्नुपर्ने, प्राथमिक तृतीय सरहको दरबन्दी कायम गर्नुपर्ने र उमेर हदबन्दी नलाग्ने गरी आन्तरिक प्रतिस्पर्धाबाट स्थायी नियुक्ति गर्नुपर्ने माग ईसीडी शिक्षककाे छ।

बालविकास शिक्षकको सेवा अवधि गणना गरिनुपर्ने, गोल्डेन उपदान रकमको व्यवस्था गर्नुपर्ने राष्ट्रिय बालिवकास शिक्षक संगठन नेपालकी अध्यक्ष रेखा रानाभाटले जारी गरेकाे विज्ञप्तिमा उल्लेख छ।

नयाँ शिक्षा ऐन संसद्मा पेस गर्नुअघि नै माग सम्बाेधन गर्न उनीहरूले शिक्षामन्त्री, विभिन्न दलका नेता एंव सांसदहरूलाई भेटेर आफ्ना मागका विषयमा ध्यानाकर्षण गराएका छन्।

उनीहरूले शिक्षा विज्ञान तथा प्रविधि मन्त्री अशाेककुमार राई, नेकपा एमाले उपाध्यक्ष सुवासचन्द्र नेमवाङ, नेपाली कांग्रेस प्रमुख सचेतक रमेश लेखक, नेपका माओवादीकाे सचिव एंव पूर्व शिक्षा मन्त्री देबेन्द्र पौडेल, राष्ट्रीय स्वतन्त्र पाटीको प्रतिनिधिसभा सदस्य लक्ष्मी तिवारीलाई सिंहदरबार परिसरमा गएर माग पत्र बुझाएका छन्। देशभर ३६ हजार बालबालिका शिक्षक कार्यरत छन्।