जब महाविर पुनले अमेरिका जान निलआर्मस्ट्रङलाई चिठी लेखे

प्रेरक प्रसंग

गृहपृष्ठ
प्रेरक प्रसंग

विदेश अध्ययन जब महाविर पुनले अमेरिका जान निलआर्मस्ट्रङलाई चिठी लेखे यसरी विना पैसा अमेरिका पुगेका थिए महाविर पुन

ईडीयू सवाल आइतबार, भदौ १७, २०८०

काठमाडौँ- राष्ट्रिय आविश्कार केन्द्रका अध्यक्ष डा. महाविरपुनले आफू अमेरिका जाँदा धेरै दुःख पाएको बताएका छन्। नेपाल शैक्षिक परामर्श व्यवसायी संघ (इक्यान)काे को २७औँ वार्षिकोत्सवको अवसरमा राजधानीको एभरेष्ट होटलमा आयोजित कार्यक्रममा बाेल्दै डा. पुनले आफूले चितवनमा स्कुल पढाउँदै गर्दा जागिर छोडर काठमाडौँ आएको र साउदी अरब जान खोजेको मान्छे अमेरिका पुगेको बताए।

उनले आफूले चितवनमा पढाएको विद्यार्थी काठमाडौँमा आएर बिएससी पढ्दै गरेको र उसकै सल्लाहमा विना पैसा अमेरिका जाने योजना बनाएको बताए।

पुनले आफ्नो विद्यार्थीले आफूलाई नेपालमा डुलेर बस्नुभन्दा अमेरिका जान सुझाब दिएको र अंग्रेजी भाषा परीक्षा (टोफल) गरेपछि अमेरिका पुग्ने थाँहा पाएको बताए। ‘म ३१ बर्षको भइसकेको थिए। यो उमेरमा पनि के पढ्न जानु भन्ने थियो। अमेरिका जान टोफल पास गर्नुपर्छ रे। त्यो पास गरेपछी मात्र जान पाइन्छ। अमेरिकन एम्बेसिमा पुगे। अमेरिकन एम्बेसीमा गएर टोफल पढ्न १८ महिना काठमाडौँमा बसे। पढेर त्यसको जाँच पनि दिनु पर्यो।’,उनले भने,‘ उ बेला इमेल सिमेल थिएन। अमेरिकन एम्बेसीको सुन्धारामा रहेको हुलाकबाट मैले छात्रवृत्ति पाइन्छकी भनेर लाइब्रेरीमा भेटिएको ठेगाना जतिमा चिठी पठाए। चिनेको मान्छे कोही थिएन। छात्रवृत्तिको आसमा मैले त हुँदा हुँदा चन्द्रमामा पहिलो चोटी पाइला टेक्ने व्यक्ती निल आर्मस्ट्रङलाई समेत चिठी लेखे।’

उनले अमेरिका जाने आसमा १८ महिना वितेपनि हार नखाएको र पछि एउटा युनिभर्सिटीले चिठी पठाएर आफू त्यही पढ्न गएको बताए। उनले पैसा नहुँदा आई ट्वान्टी आएर अमेरिकन एम्बेसीले भिसा दिएपनि आफूलाई जान भने सहज नभएको विषय सुनाउँदै भने,‘आई-२० आयो, भिसा पाइयो तर भोली पल्ट ठूलो समस्या आयो। जहाजको भाडा ७८० डलर लाग्ने रैछ। टिकट पनि काट्नुपर्यो थाइएरबाट तर, उपाए भएन। म सँग २० हजार पनि थिएन। अनि त्यो ७८० डलर खोज्नलाई मैले अभियान चलाए। आफन्तहरूलाई भेटे। एक महिना वितिसक्यो जहाजको भाडा छैन। जसरीतसरी काठमाडौँ आएपछि जहाजको भाडा बल्लतल्त जुट्यो। त्यसपछि अमेरिका जान शिक्षा मन्त्रालयले विदेश अध्ययन अनुमतिपत्र (एनओसी) दिन्थ्यो। डलर साट्न एसओसी चाहिने। भोली पल्ट फ्लाइट छ। आजसम्म एनओसी छैन। अब भएन विजोक। अब के गर्ने? त्यो लेटर साझ बल्ल हात पर्यो। त्यो लेटर लिएर नेपाली पैसा तिरेर थाइ एअरबाट टिकट त लिए। अब जाने अरु पैसा त छैन। विना एक डलर अमेरिका जाने आट गरे। तर विहान १० बजे राष्ट्रबैँक गएको साथिहरूले दिएको पैसाबाट २ सय डलर बनाए। एअरपोर्ट पुग्दा ठिक्क १२ बजेको थियो। बल्ल उड्न पाइयो। तर बैंककमा एअरपोर्टमा हराएर लगेको पैसा त्यही तिनुपर्ने भयो।’

उनले अमेरिका पुगेपछि पनि एअरपोर्टमा हराएर दुःख पाउनुपरेकाे र उ बेला कन्सल्टेन्सी नहुँदा आफूले दुःख पाएको बताए। अहिले शैक्षिक परामर्श व्यवसायीले विदेश अध्ययनबारे सम्पूर्ण जानकारी दिएर विद्यार्थीलाई धेरै सहज भएको उनको भनाइ छ।

प्रकाशित मिति: आइतबार, भदौ १७, २०८० ०९:१५