शिक्षककाे शान्तिपूर्ण आन्दोलनमा प्रहरीको हस्तक्षेप (फाेटाेफिचर)

शिक्षा विशेष

गृहपृष्ठ
शिक्षा विशेष

शिक्षककाे शान्तिपूर्ण आन्दोलनमा प्रहरीको हस्तक्षेप (फाेटाेफिचर) राहत शिक्षक बजगाईले भने, माग पुरा गर्न बन्दुकको गोली खान तयार छौँ

ईडीयू सवाल बुधबार, असोज १०, २०८०

काठमाडौँ- काठमाडौँमा जारी शिक्षकको आन्दोलनमा प्रहरीले हस्तक्षेप गरेको छ। बालविकास शिक्षक (ईसीडी) र राहत शिक्षकको आन्दोलनलाई सरकारले दमन गर्दै प्रहरी प्रशासन प्रयोग गरेर हस्तक्षेप गर्ने प्रयास गरेको हो।

राहत र ईसीडी शिक्षकले स्थायीको माग गर्दै गरेको आन्दोलनमा सरकारले वार्तामा पनि नबोलाई उल्टो शिक्षकमाथि दमन गर्ने प्रयास गरेको नेपाल राहत शिक्षक केन्द्रीय समितिका महासचिव कुमार बजगाईले बताए। उनले भने,‘सरकारले शिक्षकको शान्तिपूर्ण आन्दोलनमाथि दमन गर्ने प्रयास गरेको छ। हामीले यसको प्रतिवाद गछौँ। हामीलाई सरकारले गोली ठोक्छ भने हामी गोली खान तयार छौँ। तर यतिका बर्ष अध्यापन गरेका शिक्षकलाई अयोग्य भन्ने अधिकार राज्यसँग छैन। हामी रहरले आन्दोलन गरेका होइनौ। सरकार हाम्रा माग प्ुरा गर्न तयार हुनुपर्छ। होइन भने हाम्रो आन्दोलन अझ सशक्त रुपमा अघि बढ्छ।'

प्रर्दशनका क्रममा माइतिघर मण्डल क्षेत्र तनाबग्रस्त बनेको थियो। आन्दोलनका क्रममा प्रहरीको हस्तक्षेपबाट केही शिक्षक घाइते भएका छन्। घाइते हुनेमा पर्साकी सन्जिता कुमारी खत्री, पर्वतकी शर्मिला पुरी र ताप्लेजुङ राहत अध्यक्ष रमेश प्याकुरेल घाइते भएका हुन्।