त्रिभुवन विश्वविद्यालयको ४९औँ दीक्षान्त समारोह (फाेटाेफीचर)

शिक्षा विशेष

गृहपृष्ठ
शिक्षा विशेष

त्रिभुवन विश्वविद्यालयको ४९औँ दीक्षान्त समारोह (फाेटाेफीचर)

ईडीयू सवाल सोमबार, पुस २, २०८०

काठमाडाैँ- त्रिभुवन विश्वविद्यालयको ४९औँ दीक्षान्त समारोहबाट ७३ हजार ७४९ जना विद्यार्थी दीक्षित भएका छन्। ती मध्ये १२ हजार ४१५ जना विद्यार्थी त्रिपुरेश्वरस्थित दशरथ रंगशालामा भएको समारोहमा उपस्थित भएका हुन्।

राष्ट्रपति रामचन्द्र पौडेलको उपस्थितिमा प्रधानमन्त्री एवं कुलपति पुष्पकमल दाहालले विद्यार्थीलाई दीक्षित गरेका छन्। त्रिविको ६१औँ ग्रेसलिस्टमा परेका ७७ हजार १ सय ३ विद्यार्थीमध्ये ७३ हजार ७४९ जना विद्यार्थी दीक्षित हुन याेग्य भएका थिए। निवेदन दिएकामध्ये त्रिविकाे ग्रेस लिष्ट अनुसार व्यवस्थापन संकायबाट २८ हजार ४ सय ३८, शिक्षाशास्त्र संकायबाट १८ हजार १ सय ६३, मानविकी तथा सामाजिकशास्त्र संकायबाट १५ हजार १८, कानुन संकायबाट २ हजार ३ सय ६३, विज्ञान तथा प्रविधि अध्ययन संस्थानबाट ७ हजार २ सय ७८, इन्जिनियरिङ्ग अध्ययन संस्थानबाट २ हजार ८ सय ८३, चिकित्साशास्त्र अध्ययन संस्थानबाट २ हजार १०, कृषि र पशु विज्ञान अध्ययन संस्थानबाट ६ सय ५०, वन विज्ञान अध्ययन संस्थानबाट ३ सय गरी जम्मा ७७ हजार १ सय ३ विद्यार्थी दीक्षित हुनेछन्।

यस पटक १२ हजार ४१५ विद्यार्थीले दीक्षान्त समारोहमा सहभागिताका लागि आवेदन दिएका थिए। विश्वविद्यालयका कार्यवाहक उपकुलपति प्रा.डा. शिवलाल भुसालले २०७९ असार १ देखि २०८० जेठ मसान्तसम्म उत्तीर्ण विद्यार्थी दीक्षान्त समारोहमा सहभागी हुन पाउने व्यवस्था गरिएको बताए। गत वर्ष १० हजार ३०० विद्यार्थी दीक्षान्त समारोहमा सहभागी भएका थिए।

त्रिविबाट उत्तीर्ण विद्यार्थीलाई स्वदेशमै रोजगारी सहित टिकाउन शिक्षासँगै उद्यमशीलता अपनाइने कार्यवाहक उपकुलपति भुसालले बताए।