उत्तरपुस्तिका हराएको विषयमा छानबिन गर्न चन्द्रमणी पौडेलको नेतृत्व उच्चस्तरीय समिति गठन

विश्वविद्यालय

गृहपृष्ठ
विश्वविद्यालय

उत्तरपुस्तिका हराएको विषयमा छानबिन गर्न चन्द्रमणी पौडेलको नेतृत्व उच्चस्तरीय समिति गठन

ईडीयू सवाल शुक्रबार, चैत १६, २०८०

काठमाडौँ- त्रिभुवन विश्वविद्यालयले उत्तरपुस्तिका हराएको विषयमा छानबिन गर्न उच्चस्तरीय समिति गठन गरेको छ। विश्वविद्यालयका पूर्व रजिस्ट्रार प्राडा चन्द्रमणी पौडेलको संयोजकत्वमा ३ सदस्यीय उच्चस्तरीय समिति गठन गरेको हो।

त्रिवि कार्यकारी परिषद्को बिहीबार बसेको बैठकले उक्त प्रकरणमा छानबिन गर्न समिति गठन गर्ने निर्णय गरेको छ। समितिबाट प्राप्त प्रतिवेदन उपर छलफल गरी आवश्यक निर्णय लिइने त्रिभुवन विश्वविद्यालय रजिस्ट्रारको कार्यालयले जनाएको छ ।

त्रिभुवन विश्वविद्यालय परीक्षा नियन्त्रण कार्यालयले मिति २०८० वैशाखमा लिएको स्नातक तह प्रथम वर्षको मानविकी तथा सामाजिक शास्त्र संकाय अन्तर्गत जनसङ्ख्या तथा स्वास्थ्य विषय (कोड न। ४२२) र शिक्षा शास्त्र संकाय तर्फको शिक्षाको आधार विषय (कोड न. ४१२) का उत्तर पुस्तिकाहरू हराएको थियो ।

उक्त सन्दर्भमा विभिन्न सञ्चार माध्यमहरूमा प्रकाशितरप्रसारित समाचार तथा सम्पादकीय र जनमानसमा उत्पन्न चासो र चिन्ताप्रति त्रिभुवन विश्वविद्यालयको गम्भीर ध्यानाकर्षण भएको जनाएको छ। ती विषयको चैत २१ गते पुनः परीक्षा हुन लागेको छ।

उत्तर पुस्तिका हराएको घटना के कसरी भएको हो भन्ने विस्तृत छानबिन गरी ३० दिनभित्र प्रतिवेदन पेस गर्न समितिलाई समय तोकिएको छ।

प्रकाशित मिति: शुक्रबार, चैत १६, २०८० ०९:२९