शिक्षामन्त्रीले आफैले उठाउँदै आएको माग पूरा : त्रिविमा अब अंग्रेजी र नेपालीमा प्रश्नपत्र

विश्वविद्यालय

गृहपृष्ठ
विश्वविद्यालय

शिक्षामन्त्रीले आफैले उठाउँदै आएको माग पूरा : त्रिविमा अब अंग्रेजी र नेपालीमा प्रश्नपत्र

ईडीयू सवाल शुक्रबार, चैत १६, २०८०

काठमाडौँ- शिक्षा समिति सदस्य रहँदा सुमना श्रेष्ठले बारम्बार उठाउँदै आएको त्रिभुवन विश्वविद्यालय (त्रिवि)सम्बन्धी माग आफै शिक्षामन्त्री भएपछि पूरा गरेकी छन्। उनकै समन्वयमा अब त्रिविमा अङ्ग्रेजी र नेपाली दुवै भाषामा प्रश्नपत्र बनिने भएकोछ।

त्रिवि प्राज्ञिक परिषद् स्थायी समितिको बिहीबार बसेको बैठकले वार्षिक परीक्षा प्रणाली अनुसारका सबै संकायहरूको स्नातक तहका प्रश्नपत्रहरु अङ्ग्रेजी र नेपाली दुवै भाषामा बनाउने निर्णय गरेको हो ।

त्रिविले शुक्रबार जारी गरेको सूचनामा भनिएको छ, ‘त्रिभुवन विश्वविद्यालय प्राज्ञिक परिषद् स्थायी समितिको मिति २०८० साल चैत्र १५ गते बसेको बैठकले त्रिभुवन विश्ववि‌द्यालयबाट लिइने वार्षिक परीक्षा प्रणाली अनुसारका सबै संकायहरूको स्नातक तहका प्रश्नपत्रहरु तयार गर्दा अंग्रेजी र नेपाली दुवै भाषामा आगामी प्रथम वर्षको परीक्षा देखिनै अनिवार्य रूपमा लागु गरी क्रमशः दोस्रो तेस्रो र चौथो वर्षमा समेत लागुगर्ने निर्णय गरेको बेहोरा यसै सूचनाबाट जानकारी गराइन्छ ।’

प्रकाशित मिति: शुक्रबार, चैत १६, २०८० २१:०७