कैलालीको टीकापुरमा शिक्षाको राष्ट्रिय सम्मेलन शुरु

समाचार

गृहपृष्ठ
समाचार

कैलालीको टीकापुरमा शिक्षाको राष्ट्रिय सम्मेलन शुरु

ईडीयू सवाल शुक्रबार, वैशाख २६, २०८२

काठमाडौं – कैलालीको टीकापुरमा शिक्षाको राष्ट्रिय सम्मेलन शुरु भएको छ । सुदूरपश्चिम विश्वविद्यालयको आङ्गिक क्याम्पस टीकापुर बहुमुखी क्याम्पसमा सम्मेलन शुरु भएको हो ।

२ दिनसम्म चल्ने सम्मेलनको सुदूरपश्चिम प्रदेशका प्रमुख नजिर मियाँले उद्घाटन गरेका छन । सम्मेलनको उद्घाटन गर्दै प्रदेश प्रमुख मियाँले अध्ययन अनुसन्धानबाट आएका निचोडलाई कार्यान्वयनमा लैजान सुझाव दिए । विभिन्न विषयमा अध्ययन अनुसन्धान भएपनि त्यसलाई कार्यान्वयनमा नजाँदा गरेका कामको पनि परिणाम नदेखिने भएकाले अबका दिनमा गरिने अध्ययन अनुसन्धानका निचोडलाई कार्यान्वयन गर्नुपर्ने बताए ।

सरकारको रकमबाट पढेका विद्यार्थीहरू पनि नेपालमा केही काम नगरेर विदेशिनु दुखद भएको बताउँदै उनले सरकारी रकममा पढेकाले नेपालकै लागि काम गर्नु पर्नेमा जोड दिए ।

कार्यक्रममा शिक्षाविद् विद्यानाथ कोइरालाले अनुसन्धानलाई संस्कृतिका रुपमा विकास गर्दै लैजानु पर्नेमा जोड दिए ।अनुसन्धानकर्ताले हाम्रो संस्कार, संस्कृतिलाई अगीकार गर्दै आफ्नो अध्ययनलाई अगाडी बढाउँदा राम्रो नतिजा आउने उनले वताए।दुई दिनसम्म चल्ने सम्मेलनमा देशभरका ८ वटा विश्वविद्यालयका प्राध्यापकहरूद्वारा विभिन्न विधाहरू (भाषा साहित्य, व्यवस्थापन, सामाजिकशास्त्र, संस्कृति, विज्ञान तथा प्रविधि, कृषिविज्ञान आदि) मा जम्मा ८१ वटा अनुसन्धान तथा खोजमूलक कार्यपत्रहरू प्रस्तुति गरिने छन् । विश्वविद्यालय अनुदान आयोग, सुदूरपश्चिम विश्वविद्यालय टीकापुर बहुमुखी क्याम्पस, अमेरिकन राजदूतावास, सुदूरपश्चिम प्रदेश सामाजिक विकास मन्त्रालय, स्थानीय सरकार, वित्तीय सङ्घसंस्था, विद्यालयलगायत अन्य संघसंस्थाहरूको सहयोग र सहकार्यमा कार्यक्रम गर्न थालिएको हो ।

कार्यक्रममा विभिन्न विश्वविद्यालयका उपकुलपति, रजिस्ट्रार, डिन, स्थानीय पालिका प्रमुख, क्याम्पस तथा विद्यालयका प्रमुखहरूलगायत करिब २०० जना शिक्षा सँग सम्वन्धीत सम्वन्धीत व्यक्तिहरुको सहभागीता रहेको छ ।

प्रकाशित मिति: शुक्रबार, वैशाख २६, २०८२ १७:२६