सीटीईभीटी डिप्लाेमा स्वास्थ्य सेवा तर्फका विषय अध्ययन गर्न एसईईमा २ जीपीए अनिवार्य (निर्देशिकासहित)

प्राविधिक शिक्षा

गृहपृष्ठ
प्राविधिक शिक्षा

सीटीईभीटी डिप्लाेमा स्वास्थ्य सेवा तर्फका विषय अध्ययन गर्न एसईईमा २ जीपीए अनिवार्य (निर्देशिकासहित)

ईडीयू सवाल सोमबार, असार १७, २०८१

काठमाडौँ- प्राविधिक शिक्षा तथा व्यावसायिक तालिम परिषद् (सीटीईभीटी)ले शैक्षिक सत्र २०८१/०८२ मा डिप्लाेमा तहका स्वास्थ्य सेवा तर्फका विषय अध्ययन गर्न एसईईमा २ जीपीए भन्दा बढी ल्याएकाे हुनुपर्ने जनाएकाे छ।

सीटीईभीटीले स्वास्थ्य कार्यक्रमको लागि विद्यार्थीहरूले मान्यता प्राप्त शिक्षण संस्थाबाट प्रवेशिका वा एस.ई.ई. परीक्षामा अनिवार्य अंग्रेजी, गणित र विज्ञान विषय लिई समग्रमा न्यूनतम २ जीपीए वा परिषद्बाट सम्बन्धित प्राविधिक एसएलसी प्रि-डिप्लोमा तहको कुल पूर्णाङ्कमा ६८.३३ प्रतिशत अंक प्राप्त गरी उत्तीर्ण गरेको हुनुपर्ने जनाएकाे हाे।

परिषद्ले स्वास्थ्य बाहेक अन्य सम्पूर्ण कार्यक्रमहरूको लागि विद्यार्थीहरूले मान्यता प्राप्त शिक्षण संस्थाबाट प्रवेशिका परीक्षा एसईईमा अनिवार्य अंग्रेजी, गणित र विज्ञान विषय लिई समग्रमा न्यूनतम स्तरिकृत अंक ४.० मा १.६ जि.पि.ए. अथवा सो सरह वा परिषद्बाट संचालन हुने कार्यक्रमसंग सम्बन्धित प्राविधिक एसएलसी प्रि-डिप्लोमा तहको कुल पूर्णाङ्कमा ६८.३३ प्रतिशत अंक प्राप्त गरी उत्तीर्ण गरेको हुनुपर्ने जनाएकाे छ।

डिप्लोमा इन बायोमेडिकल इक्यूप्मेण्ट इन्जिनियरिङ्को लागि विद्यार्थीहरूले मान्यता प्राप्त शिक्षण संस्थाबाट विज्ञान विषयमा प्रमाणपत्र तह वा दश जोड दुई वा १२ कक्षा उत्तीर्ण गरेको हुनुपर्नेछ।

प्रकाशित मिति: सोमबार, असार १७, २०८१ २०:१६