गोविन्द वियोगी पुरस्कारबाट चार पत्रकार सम्मानित

कला/साहित्य

गृहपृष्ठ
कला/साहित्य

गोविन्द वियोगी पुरस्कारबाट चार पत्रकार सम्मानित

ईडीयू सवाल शनिबार, माघ ६, २०८०

नुवाकोट- गोविन्द वियोगी पत्रकारिता पुरस्कार, २०८० बाट चार जना सम्मानित भएका छन्।सम्पादक समाज नेपालले आज नुवाकोटमा आयोजना गरेको वियोगी पत्रकारिता पुरस्कार एवं सम्मान समारोहमा ‘योहो’ टेलिभिजनका समाचार प्रमुख जीवराम भण्डारी, ‘त्रिशूली प्रवाह’का सम्पादक शरण उत्सुक सापकोटा, राष्ट्रिय समाचार समितिका पूर्वअध्यक्ष पूर्वअध्यक्ष कुलचन्द्र वाग्ले र पत्रकार मन्टेश्वरी राजभण्डारी सम्मानित भएका छन्। पुरस्कार अर्थमन्त्री डा प्रकाशशरण महतले प्रदान गरेका थिए।

गोविन्द वियोगी पत्रकारिता पुरस्कारबाट भण्डारीलाई २५ हजार रुपैयाँ नगद राशिसहित सम्मान गरिएको हो। यस्तै गोविन्द वियोगी विशेष पत्रकारिता पुरस्कारबाट सम्मानित सापकोटालाई १५ हजार रुपैयाँ नगद राशिसहित सम्मानित गरेको हो।

राससका पूर्वअध्यक्ष वाग्ले र पत्रकार राजभण्डारीलाई पत्रकारिता क्षेत्रको प्रवद्र्धनका लागि उल्लेखनीय योगदान पु¥याएको भन्दै समाजले सम्मान गरेको हो। समाजअन्तर्गत गोविन्द वियोगी स्मृति कोषले पुरस्कार स्थापना गरेको हो।सम्मान समारोहलाई सम्बोधन गर्दै अर्थमन्त्री महतले सम्मानितलाई शुभकामना व्यक्त गरे।

उनले पत्रकारिता क्षेत्रमा वियोगीको योगदानलाई स्मरण गर्दै गोविन्द वियोगी पत्रकारिता अध्ययन केन्द्र भवनको व्यवस्थापनका लागि आगामी वर्षदेखि आर्थिक सहयोग उपलब्ध गराउने प्रतिबद्धतासमेत जाहेर गरे।

प्रकाशित मिति: शनिबार, माघ ६, २०८० १८:५४