शिक्षामा बजेट : २ खर्ब ११ अर्ब १७ करोड बजेट विनियोजन

भिडियो

गृहपृष्ठ
भिडियो

आगामी आर्थिक वर्ष २०८२/८३ को बजेटमा शिक्षा शिक्षामा बजेट : २ खर्ब ११ अर्ब १७ करोड बजेट विनियोजन

ईडीयू सवाल बिहीबार, जेठ १५, २०८२

काठमाडाैँ- सरकारले आगामी आर्थिक वर्ष २०८२/८३ को बजेटमा शिक्षा विज्ञान तथा प्रविधि मन्त्रालयका लागि २ खर्ब ११ अर्ब १७ करोड बजेट विनियोजन गरेकाे छ। बिहीबार संघीय संसदमा आगामी आर्थिक वर्षकाे बजेट प्रस्तुत गर्दै उपप्रधान तथा अर्थमन्त्री विष्णु पौडेलले शिक्षामा सुधारकाे याेजना सहित बजेट विनियाेजन गरिएकाे बताएका हुन्।

सरकारले सामुदायिक शिक्षाकाे गुणस्तर सुधार गर्न शिक्षामा बजेट विनियाेजन गरेकाे छ। यस्तै नमुना विद्यालयका लागि प्रति विद्यालय २५ लाख, शिक्षकको तलब वृद्धि गरिने, सामुदायिक विद्यालयको गुणस्तर सुधार गर्न बजेट विनियाेजन गरेकाे छ।विश्वविद्यालयको सहकार्यमा शिक्षक वैंक स्थापना गरिने, माध्यमिक शिक्षा परीक्षाको व्यवस्थापन प्रदेश तहबाट गरिने छ।

स्यानिटरी प्याड, विद्यार्थीलाई छात्रवृत्तिका २ अर्ब ४४ करोड, ईसीडि शिक्षक र विद्यालय कर्मचारीका लागि १० अर्व १६ करोड विनियोजन, राष्ट्रिय शैक्षिक सुधार कार्यक्रम अन्तर्गत २ अर्ब ७२ करोड विनियोजन, उच्च शिक्षा छाता ऐन निर्माण गरिने
विश्वविद्यालय अनुदान आयोगको पुर्नसंरचना गरिने, आवश्यकता र क्षमताको आधारमा अनुदान उपल्ब्ध गराइने, विश्वविद्यालयमा विदेशी विद्यार्थीलाई आकर्षण गरिने, मेडिकल शिक्षामा छात्रवृत्ति उपलब्ध गराइने, प्रत्येक प्रदेशमा एउटा नमुना प्राविधिक शिक्षालय स्थापना गरिने,२६ हजार ९ सय युवालाई तालिम प्रदान गरिने जनाएकाे छ। हप्तामा २० घण्टा ज्यालासहित पढ्दै कमाउँदै कार्यक्रमका लागि बजेट विनियोजन गरिएकाे छ।

प्रकाशित मिति: बिहीबार, जेठ १५, २०८२ १६:३३