शिक्षामा १०. ७५ % बजेटले सुधार संभव नहुने सांसदहरूको दाबी

भिडियो

गृहपृष्ठ
भिडियो

शिक्षामा १०. ७५ % बजेटले सुधार संभव नहुने सांसदहरूको दाबी

ईडीयू सवाल बुधबार, जेठ २१, २०८२

काठमाडौँ - राष्ट्रिय सभाका सांसदहरूले सरकारले शिक्षामा विनियोजन गरेको बजेट आवश्यकता भन्दा कम भएको बताएका छन्। राष्ट्रिय सभाको बुधबारको बैँठकमा बजेटमाथिको छलफलमा बोल्दै सांसदले शिक्षामा विनियोजन भएको बजेटले शिक्षामा आमुल परिवर्तन गर्न संभव नहुने बताएका हुन्।

बैँठकमा बोल्दै नेकपा (माओवादी केन्द्र) वरिष्ठ उपाध्यक्ष एवं राष्ट्रिय सभा सदस्य नारायणकाजी श्रेष्ठले शिक्षामा लगानी कम भएको बताए। उनले सरकारले पूर्वाधार विकासमा लगानी गर्नेगरी बजेट विनियोजन गर्न नसकेको र यसले शिक्षामा आमुल परिवर्तन गर्न संभव नहुने बताए। उनले आगामी आर्थिक वर्षको बजेट राजनीतिक, आर्थिक वित्तीय दस्तावेजका रुपमा आउनुपर्नेमा प्रशासनिक र वित्तीय दस्तावेजका रुपमा मात्रै आएकोमा जोड दिए।

नेकपा एकीकृत समाजबादीको सांसद बेदुराम भुसालले शिक्षा क्षेत्रमा आगामी आर्थिक वर्षको बजेटले गुणस्तरिय शिक्षा सम्भव नभएको बताए। उनले शिक्षा क्षेत्रमा विनियोजन गरिएको १०.७५ प्रतिशत बजेटले गुणस्तरीय शिक्षा र मानव पूँजी विकास गर्न सम्भव नहुने बताए।

उनले शिक्षा क्षेत्रमा विकासमा खाँचो छ भनेर मुखले मात्र भाषण गर्नुभन्दा बजेट विनियोजनको अनुपातलाई बढाउन आग्रह गरे।उनले आगामी आर्थिक वर्षको बजेट कार्यान्वयन हुने सम्भावना न्यून रहेको बताए। भुसालले रकमको हिसाबले बजेट बढाएपनि अनुपातको हिसाबले यो वर्षको बजेट पछि हटेको बताए।

त्यस्तै नेकपा एमालेकी सांसद इन्दिरादेवी गौतमले आगामी आर्थिक बर्षमा शिक्षक दरबन्दि पूनरावलोकन गरि गणित विज्ञान र शिक्षकको अभाव हुन नदिन शिक्षक बैँकको स्थापना गर्नै सरकारको योजना स्वागत योग्य रहेको बताइन्। उनले विश्वविद्यालय र निजि क्षेत्रको सहकार्यमा सुचना प्रविधिको क्षेत्रलाई विषेश जोड दिएमा विद्यार्थी विदेश पलायन नहुने बताईन। त्यस्तै उनले बजेटबाट लक्षित विकासका योजना चाँडै कार्यान्वयन हुन जरुरी रहेको बताइन्।

प्रकाशित मिति: बुधबार, जेठ २१, २०८२ १८:२७