एसईईमा ४ जीपीए ल्याउने काठमाडाैँकाे विश्वनिकेतन माविका ६ जना विद्यार्थीलाई दशहजार नगदसहित पुरस्कार

भिडियो

गृहपृष्ठ
भिडियो

उत्कृष्ट सामुदायिक विद्यालय एसईईमा ४ जीपीए ल्याउने काठमाडाैँकाे विश्वनिकेतन माविका ६ जना विद्यार्थीलाई दशहजार नगदसहित पुरस्कार

ईडीयू सवाल बुधबार, असार १८, २०८२

काठमाडाैँ - नेपालको सामुदायिक विद्यालय तर्फ अग्रणी संस्था विश्वनिकेत मावीका ६ जना विद्यार्थीले माध्यमिक शिक्षा परीक्षा (एसईई) २०८१ मा ४ जीपीए प्राप्त गर्न सफल भएका छन्। अध्ययनरत विद्यार्थी मध्य ६ जनाले ४ जीपीए सहित बाँकी विद्यार्थीले पनि उत्कृष्ट नतिजा प्राप्त गर्न सफल भएको विद्यालयले जनाएको छ।

गत बर्ष पनि विश्वनिकेतमा अध्यनरत ५ जना विद्यार्थीले एसईईमा ४ जीपीए प्राप्त गर्न सफल भएका थिए। विद्यालयका प्रधानाध्यापक हेरम्बराज कडेलले शिक्षककर्मचारीले विद्यार्थीको राम्रो नतिजाको लागि अहोरात्र दिनरात नभनि खटेर पढाएको कारण सर्वाेत्कृष्ट नतिजा प्राप्त गरेको बताए। उनले प्रधानाध्यापकसँगै शिक्षककर्मचारी, विद्यालय प्रशासन, अभिभावक र जनप्रतिनिधिहरुको सदैव साथ र सामुहिक कार्य कै कारण विश्वनिकेतनले प्रत्यक बर्ष सर्वाेत्कृष्ट नतिजा प्राप्त गर्न सफल भएको बताए।

साथै प्रधानाध्यापक कडेलले विश्वनिकेतनले प्रत्यक विद्यार्थीको ९ सम्मको नतिजालाई व्यक्तिगत रुपमा मुल्याङकन गरी प्रत्यक विद्यार्थी यो यो विषयमा विशेष जोड दिनुपर्ने भनि माथिल्लो तहको शिक्षकलाई सिफारिस गर्ने गरेको बताए। विश्वनिकेतले मावीले ४ जीपीए प्राप्त गरेका ६ जना विद्यार्थीलाई अभिभावकको साथमा हार्दिक बधाई सहित प्रतिव्यक्ति १० हजार रुपैँया नगद पुरस्कार प्रदान गरेको छ।

साथै उपस्थित अभिभावकहरुले विद्यालय प्रति आभारी रहेको बताउदैँ आफ्नो छोराछोरी प्रति गर्व महशुस गरेको बताए।