तुर्कमेनिस्तान भ्रमण र आर्थीक वृद्धिबारे प्रधानमन्त्री ओलीले प्रतिनिधिसभामा सुनाए यस्ताे कथा (प्रत्यक्ष प्रसारण)

भिडियो

गृहपृष्ठ
भिडियो

तुर्कमेनिस्तान भ्रमण र आर्थीक वृद्धिबारे प्रधानमन्त्री ओलीले प्रतिनिधिसभामा सुनाए यस्ताे कथा (प्रत्यक्ष प्रसारण)

ईडीयू सवाल बुधबार, साउन २८, २०८२

काठमाडौँ - प्रधानमन्त्री केपी शर्मा ओलीले हालै सम्पन्न तुर्कमेनिस्तान भ्रमण र विकासका प्रगतिबारे प्रतिनिधिसभालाई जानकारी गराएका छन्। सभाको बुधबारको बैठकलाई सम्बोधन गर्दै उनले भ्रमणबारे जानकारी दिएका हुन्।

भूपरिवेष्टित विकासशील राष्ट्रहरू (एलएलडीसी) को तेस्रो संयुक्त राष्ट्रसंघीय सम्मेलनमा भाग लिएर प्रधानमन्त्री ओली साउन २३ गते स्वेदश फर्किएका थिए। उनले सम्मेलनमा कम विकसित राष्ट्रहरूको विश्वव्यापी समन्वय ब्युरोको अध्यक्षका रूपमा सम्बोधन गरेका थिए।

सम्मेलनका अवसरमा विभिन्न देशका प्रतिनिधिमण्डल प्रमुखसँग र संयुक्त राष्ट्रसंघ तथा अन्य अन्तर्राष्ट्रिय संस्थाका उच्चपदस्थ अधिकारीहरूसँग पनि भेटवार्ता गरिएको जानकारी दिए।

समुन्द्रमा प्रत्यक्ष क्षेत्रीय पहुँच नभएका कारण भूपरिवेष्ठित विकासशील देशहरूले अन्तर्राष्ट्रिय व्यापार, कनेक्टिभिटी र आर्थिक विकासको चुनौती सामना उल्लेख गर्दै आपसी सहकार्यका लागि आह्वान गरेको प्रधानमन्त्री ओलीले बताए।

उनले प्रत्यक्ष पहुँचका अभावमा विश्वव्यापी बजारबाट उल्लेखनीय लाभ लिन नसकेको, यातायातको विश्वव्यापी सहज सञ्जाल नभएको र खाद्य पूर्वाधार विकास गर्न कठिन रहेको अवस्थामा दिगो विकासका प्राप्त गर्न समस्या भइरहेको कुरा सम्मेलनमा उठाएको पनि जानकारी दिए।

प्रकाशित मिति: बुधबार, साउन २८, २०८२ १४:२१