काठमाडाैँ - नेपाल शैक्षिक परामर्श संघ (इक्यान) ले २९ औँ स्थापना दिवस कार्यक्रम सम्पन्न गरेको छ। इक्यानले २९औँ वार्षिकोत्सवको अवसरमा उच्च करदाता, ब्रिटिस काउन्सिल र इक्यानबाट प्रत्यक्ष आयल्ट्स बुक गर्ने कन्सलटेन्सीहरुलाई सम्मान गरेको छ। इक्यानले आर्थिक वर्ष २०८१/८२ मा आयल्ट्सको लागि ब्रिटिश काउन्सिल र इक्यान मार्फत प्रत्यक्ष बुक गर्ने १५ वटा कन्सलटेन्सी र ६ वटा शिर्ष करदातालाई सम्मान गरेको हो।
जसमा २०८१/८२ सालमा नेपाल सरकारको नियम र कानुन अर्न्तगत रहेर सरकारलाई कर बुझाउने कन्सलटेन्सी मध्य पहिलो नम्बरमा नँया बानेश्वर स्थित द नेक्स्ट एजुकेशन कन्सल्टेन्सी पर्न सफल भएको छ। यस्तै गोरेटो एजुकेशनल कन्सल्टेन्सी, केआइसी प्रा.लि,अप्टिमस ग्लोबल एजुकेशनल कन्सल्टेन्सी, कंगारु एजुकेशन फाउन्डेसन र स्टडी वर्ल्ड एजुकेशन कन्सल्टेन्सी नेपाल सरकारलाई धेरै कर बुझाउने शिर्ष करदाता हुन्।
आयल्ट्सको लागि ब्रिटिश काउन्सिल मार्फत प्रत्यक्ष बुक गर्नेमा केआईसी प्रा.लि पहिलो नम्बरमा त्यस्तै द नेक्स्ट एजुकेशन कन्सल्टेन्सी, ग्रेस इन्टरनेशनल ग्रुप, नेपाल इन्टरनेशनल एजुकेशनल कन्सल्टेन्सी, मिरेकल इन्स्टिच्युट, अर्बिट इन्टरनेशनल एजुकेशन, ग्लोबल गेट एजुकेशनल कन्सल्टेन्सी, एडवाइज फाउन्डेसन, ब्रिलियन्ट एजुकेशन एण्ड करियर सर्भिसेज प्रा.लिले सम्मान प्राप्त गरेको छ। त्यस्तै कंगारु एजुकेशन फाउन्डेसन, प्यासिफिक इन्टरनेशनल स्टडी एब्रोड कन्सल्टेन्सी, कनेक्ट ग्लोब एजुकेशन ग्रुप, मेट्स एजुकेशन, ग्लोबल च्वाइस एजुकेशन कन्सल्टेन्सी र क्रिप्टन एजुकेशन कन्सल्टेन्सीले पनि आयल्ट्सको लागि ब्रिटिश काउन्सिल मार्फत प्रत्यक्ष बुक गर्ने कन्सलटेन्सीको सम्मान प्राप्त गरेको छ।
त्यस्तै आयल्ट्सको लागि इक्यान मार्फत प्रत्यक्ष बुक गर्नेमा ग्लोसा प्रिपरेटरी एकेडेमी, सर्च एजुकेशन नेपाल, सेन्ट्रल कलेज अफ भोकेसनल ट्रेनिङ, एभिन्यू बुटवल एजुकेशन कन्सल्टेन्सी, तक्षशिला एजुकेशन कन्सल्टेन्सी, दीक्षा इन्टरनेशनल, इन्लाइटेन इन्टरनेशनल एजुकेशन र स्टडीलेन इन्टरनेशनलले सम्मान प्राप्त गरेको छ। त्यस्तै क्रान्ति एजुकेशन एकेडेमी प्रालि, ग्लोबल आइ एजुकेशन कन्सल्टेन्सी, ओपन वर्ल्ड एजुकेशन प्रालि, बीएमडब्ल्यू एजुकेशन कन्सल्टेन्सी, ड्रीम डेस्टिनी एजुकेशन फाउन्डेसन, सक्सेस एब्रोड स्टडी प्रालि र अक्सफोर्ड एडु स्टडी कन्सल्टेन्सीले पनि आयल्ट्सको लागि इक्यान मार्फत प्रत्यक्ष बुक गर्ने कन्सलटेन्सीको सम्मान प्राप्त गरेको छ।
उच्च शिक्षाका लागि विदेश अध्ययन गर्न चाहने विद्यार्थीहरूलाई विश्वसनीय र गुणस्तरीय परामर्श सेवा प्रदान गर्दै आइरहेका शैक्षिक कन्सल्टेन्सीहरूको छाता संगठनका रूपमा इक्यानले विगत २८ वर्षदेखि महत्वपूर्ण भूमिका निर्वाह गर्दै आएको छ।
कार्यक्रममा बोल्दैँ सञ्चार तथा सूचना प्रविधिमन्त्री पृथ्वी सुब्बा गुरुङले शिक्षालाई सुधार गरेर नेपाललाई एजुकेशन हबको रुपमा विकास गर्न सकिने भएतापनि यसप्रति कसैलाई चासो नभएको बताए। नेपाललाई शैक्षिक क्षेत्रमा अब्बल बनाउन गुण गभर्नेन्स महत्त्वपूर्ण भएतापनि मुलुक कमजोर र लाजमर्दो स्थितिबाट चलेको उनको भनाइ छ। उनले पूरानो संरचना भत्काएर नयाँ संरचना बनाउन सकियो भने मात्र समृद्धि नेपालको संभव रहेको दावी गरेका छन्। विद्यालय शिक्षा ऐन नबन्दासम्म देशले विकासको गति लिन नसक्ने उनको भनाइ छ।
गृह मन्त्रालयका सचिव गोकर्णमणि दुवाडीले स्वदेशमा युवाको उत्साह मर्न नदिन सबै निकाय लाग्नुपर्ने बताउदैँ धुमिल रहेको शैक्षिक परामर्श व्यवसायी क्ष्ोत्र र शैक्षिक क्षेत्र पारदर्शी बनाउनुपर्ने बताए। कानुनलाइ उच्च मानेर सबैले संस्था दर्ता गरी सेवा दिनुपर्ने र अरुले गर नगर भन्दापनि आफैंले जानेर यस क्षेत्रलाई शुद्धिकरण गर्न आवश्यक रहेको उनको भनाइ छ।
नेपाल शैक्षिक परामर्श व्यवसायी महासंघका अध्यक्ष एवं नेपाल शैक्षिक परामर्श व्यवसायी संघ (इक्यान) का पूर्व अध्यक्ष राजेन्द्र बरालले २९ वर्ष देखी यस क्षेत्र व्यावसायिक रुपमा अगाडि बढिरहेको र पेशालाई भरपर्दो र मर्यादित बनाउन एकताबद्ध भएर अगाडि बढ्नुपर्ने बताए। यो क्षेत्रलाई बद्नाम गर्नेहरुप्रति खबरदारी गर्नुपर्ने भन्दै गैरकानुनी परामर्श सेवा दिनेलाई कारबाही गरेर व्यवसायलाई मर्यादित बनाउनुपर्ने उनको भनाइ छ। साथै उनले विदेशी विद्यार्थी नेपालमा ल्याएर पढाउन आफूहरु तयार रहेको भन्दै त्यसखालको वातावरण बनाइदिन सरकारसँग आग्रह गरेका छन्।
इक्यानका बर्तमान अध्यक्ष शेषराज भट्टराईले विश्वभर नेपाली विद्यार्थीले प्रतिस्पर्धा गर्न सक्ने हैसियत बनाउनु र नवीन कार्यमा प्रतिष्ठित हुँदै जानु इक्यानको आजको सफलता भएको बताए। नेपालका विद्यार्थीहरु ग्लोबल कम्पिटेन्ट बन्नको लागि क्षमता राखिरहेको र नेपाल सरकार र नेपाल सरकारका सरोकारवाला निकायले शैक्षिक परामर्श व्यवसायीहरु प्रति प्राउड फिल गर्ने बेला आएको उनको भनाइ छ। इक्यानमा आबद्ध संस्थाहरुको कारण आज विश्वमा नेपाली विद्यार्थीहरु ग्लोबल कम्पिटेन्ट मात्र नभइ देशको लागि एउटा शक्तिको रुपमा अगाडि बढेको उनको भनाइ छ।
