बजेट अभाव भएपछि विद्यार्थीकाे दिवा खाजा कटौती

बालबालिका

गृहपृष्ठ
बालबालिका

विद्यार्थीकाे दिवा खाजा कटौती बजेट अभाव भएपछि विद्यार्थीकाे दिवा खाजा कटौती

ईडीयू सवाल बुधबार, साउन ३, २०८०

काठमाडाैँ- सरकारले बजेट अभावका कारण दिवा खाजा कक्षा ५ सम्मका विद्यार्थीलाई मात्रै दिने जनाएकाे छ। अघिल्लो वर्ष कक्षा ६ सम्मका विद्यार्थीलाई खुवाउने गरिएको खाजा यस बर्ष १ अर्ब बजेट अभाव भएकोले दिवा खाजा कटौती गर्नु परेको शिक्षा विज्ञान तथा प्रविधि मन्त्रालयले जनाएकाे हाे।

प्रतिनिधि सभाको शिक्षा स्वास्थ्य तथा सूचना प्रविधि समितिको छलफलमा बाेल्दै मन्त्रालयका योजना महाशाखाका प्रमुख एवं सहसचिव डा. हरि प्रसाद लम्सालले यस वर्ष ३२ लाख विद्यार्थीलाई मात्रै दिवा खाजाको व्यवस्था गर्न सकिने बताए। उनले भने,‘३२ लाख भनेको १ देखि ५ सम्मका विद्यार्थी मात्रै हुन्। ६ कक्षाका विद्यार्थीलाई दिवा खाजा छैन। ड्रप आउट हटाउँदा कति पुग्दो रहेछ योजना बनाइरहेका छौं।’

सांसदहरूले खाजा खर्च कटौती गरेको भन्दै बिरोध गरेका छन्। राष्ट्रिय स्वतन्त्र पार्टिका सांसद सुमना श्रेष्ठले बालबालिकाले पाइरहेको खाजा निरन्तर दिनुपर्ने बताइन्।

विद्यालयले दिने खाजामा चाउचाउ, बिस्कुट र चिउरा मात्रै भएको भन्दै सांसदहरूले बिरोध गरेका थिए। मन्त्रालयले भने निर्देशिका नै बनाएर दैनिक खुवाउने खाजाको सुची नै तयर गरिएको जनाएको छ।

सरकारले कर्णालीका विद्यार्थीलाई दैनिक २० रुपैँया र अन्यत्र एक दिनको १५ रुपैँयाका दरले खाजा खर्च दिने गरेको छ।

प्रकाशित मिति: बुधबार, साउन ३, २०८० १६:२१